Another advertisement
İranda son 2,5 ayda 138 nəfər barəsində çıxarılan edam hökmü icra olunub.
QafqazTürk xəbər verir ki, bu barədə İranın İnsan Hüquqları Təşkilatı məlumat yayıb.
Məlumatda bildirilib ki, bu, son illərin ən böyük göstəricisidir.
Edam olunanlardan 88 nəfər narkotik maddələrin qanunsuz dövriyyəsi ilə məşğul olduqları üçün barələrində ölüm hökmü çıxarılıb.
Martın 10-dan 24-dək İran həbsxanalarında 29 məhbus edam olunduğu vurğulanıb.
Qeyd olunub ki, 2020, 2021, 2022-ci illər martın 1-dən 15-dək olan dövrdə uyğun olaraq 67, 72 və 94 məhkum barəsində çıxarılan edam hökmü icra olunub.
