İran Xarici İşlər Nazirliyinin bəyanatında deyilir ki, İran və Rusiya arasında “Hərtərəfli Strateji Tərəfdaşlıq Sazişi” qüvvəyə minib.
Bəyanatda bildirilir ki, bu sazişin imzalanması iki ölkə liderlərinin qarşılıqlı hörmət, mehriban qonşuluq və ümumi maraqlara əsaslanan əlaqələrin dərinləşdirilməsi və möhkəmləndirilməsi iradəsini əks etdirir.
“İran-Rusiya Hərtərəfli Strateji Tərəfdaşlıq Sazişi iki ölkə arasında münasibətlərin tarixində dönüş nöqtəsidir. Saziş iki ölkə arasında qarşılıqlı maraq doğuran müxtəlif sahələrdə dostluq əlaqələrinin səviyyəsini yüksəldəcək. Bu mühüm sənəd əməkdaşlığın sahələrini və prioritetlərini müəyyən edir. O, müxtəlif sahələrdə əlaqələrin gücləndirilməsi üçün aydın çərçivə yaradır. Elm, diplomatiya, sərmayə, iqtisadiyyat və enerji sahələrində qarşılıqlı faydanın təmin olunmasını hədəfləyir. Saziş beynəlxalq sülh və təhlükəsizliyin qorunmasını təmin edir. O, beynəlxalq səviyyədə qanunun aliliyinə qarşı artan təhdid və çağırışların aradan qaldırılması üçün koordinasiya və sinerji yaradır. BMT Nizamnaməsinin prinsip və məqsədlərinə riayət edilməsinin fundamental əhəmiyyəti nəzərə alınır. Saziş beynəlxalq sülhün və təhlükəsizliyin qorunmasını və İranın çoxtərəfli səylərini təmin edir. Həmçinin, əməkdaşlıq BRİKS və Şanxay Əməkdaşlıq Təşkilatı kimi beynəlxalq təşkilatlar və sazişlər çərçivəsində də gücləndiriləcək”, – bəyanatda deyilir.
