Gürcüstanın baş naziri İrakli Qaribaşvili Avropa İttifaqı Şurasının prezidenti Şarl Mişel ilə görüşüb.
QafqazTürk.com xəbər verir ki, bu barədə Hökumət Administrasiyası məlumat yayıb.
Birləşmiş Ərəb Əmirliklərinin Dubay şəhərində keçirilən görüşdə tərəflər Gürcüstanın Avropaya inteqrasiya prosesini və islahatların gündəliyini müzakirə ediblər.
Gürcüstana namizəd statusunun verilməsi ilə əlaqədar Avropa Komissiyasının müsbət tövsiyəsinə diqqət yetirilib.
Baş nazir Avropa İttifaqının prezidentinə Gürcüstanın Avropaya inteqrasiya yolunda həyata keçirdiyi islahatlar barədə məlumat verib.
İrakli Qaribaşvilinin sözlərinə görə, Gürcüstan Avropa İttifaqının tövsiyələrinin yerinə yetirilməsi istiqamətində uğurla başlamış prosesi davam etdirir.
Hökumət başçısının sözlərinə görə, Gürcüstanın əldə etdiyi irəliləyiş Avropa Komissiyası tərəfindən də təsdiqlənib və indi ölkəmiz Avropa Şurasının Gürcüstana namizəd statusunun verilməsi ilə əlaqədar müsbət qərarını gözləyir.
İrakli Qaribaşvili Aİ tövsiyələrinin həyata keçirilməsi prosesində göstərdiyi köməyə və dəstəyə görə Çarlz Mişelə təşəkkürünü bildirib və Avropa Şurası prezidentinin Avropaya inteqrasiya yolunda gələcək dəstəyinin vacibliyini vurğulayıb.
