Gürcüstanın baş naziri İrakli Kobaxidze X sosial şəbəkəsində yazıb ki, Dubaya səfərim zamanı Macarıstanın baş naziri Viktor Orban ilə səmərəli görüşüm oldu.
Hökumət başçısı qeyd edir ki, söhbətdə ikitərəfli münasibətlərin əsas istiqamətlərinə toxunulub.
“Söhbətimiz ikitərəfli münasibətlərin müsbət dinamikasını əks etdirən əsas məsələləri əhatə etdi. Biz razılaşdıq ki, Gürcüstan-Macarıstan hökumətlərarası sammit Budapeştdə keçirilsin və bu, tərəfdaşlığımızı daha da inkişaf etdirəcək.
Gürcüstan əməkdaşlığın dərinləşdirilməsinə və ümumi maraq doğuran sahələrdə tərəfdaşlıq üçün yeni imkanların müəyyənləşdirilməsinə qətiyyətlə sadiqdir”, – İrakli Kobaxidze bildirib.
