Gürcüstan və Ermənistanın baş nazirləri Gürcüstanın Ermənistan Respublikasındakı səfirliyinin yeni binasının açılışını ediblər.
QafqazTürk.com xəbər verir ki, İrakli Kobaxidze və Nikol Paşinyana Gürcüstanın Ermənistan Respublikasındakı fövqəladə və səlahiyyətli səfiri Giorgi Şarvaşidze ev sahibliyi edib.
Bina Gürcüstan səfirliyinə 2024-cü ildə verilib.
Səfirlik binası digər diplomatik nümayəndəliklərin ofislərinin yerləşdiyi şəhərin mərkəzi hissəsində yerləşir və vətəndaşların qəbulu, ofis və konfrans otaqlarını əhatə edir. Binanın layihələndirilməsində etnik və mədəni elementlər nəzərə alınıb. Gürcüstanın Ermənistan Respublikasındakı səfirliyinin yeni binası Gürcüstana məxsus olan 15-ci binadır.
Məlumat üçün bildirək ki, Gürcüstanın baş naziri İrakli Kobaxidze Ermənistanda rəsmi səfərdədir.
