Gürcüstanın baş naziri İrakli Kobaxidze bu gün Ermənistan Respublikasına rəsmi səfər edəcək.
QafqazTürk.com xəbər verir ki, Ermənistan Respublikası hökumətinin iqamətgahında rəsmi qarşılanma mərasimi keçiriləcək.
Ermənistan Respublikasının baş naziri Gürcüstan hökumətinin başçısını qəbul edəcək.
İrakli Kobaxidze və Nikol Paşinyanın təkbətək və geniş tərkibdə görüşü planlaşdırılır, bundan sonra baş nazirlər mətbuata birgə bəyanatlarla çıxış edəcəklər.
Rəsmi səfər çərçivəsində Gürcüstanın baş naziri Ermənistan Respublikasının prezidenti Vaaqn Xaçaturyanla da görüşəcək.
Gürcüstanın hökumət başçısının rəhbərlik etdiyi nümayəndə heyətinə baş nazirin birinci müavini, iqtisadiyyat və davamlı inkişaf naziri Levan Davitaşvili, xarici işlər naziri İliya Darçiaşvili, təhsil, elm və gənclər naziri Giorgi Amilaxvari və hökumət administrasiyasının rəhbəri Levan Jorjoliani daxildir.
