Gürcüstanın baş naziri İrakli Kobaxidze Böyük Britaniyada keçirilən Avropa Siyasi Birliyinin Sammitində iştirak edir. Böyük Britaniya və Şimali İrlandiya Birləşmiş Krallığının Baş naziri Key Starmer 50-yə yaxın ölkə liderini Vudstok şəhərindəki Blenheym sarayında qəbul edəcək.
QafqazTürk Media xəbər verir ki, Hökumətin məlumatına görə, Kobaxidze sammit çərçivəsində planlaşdırılan və əsas mövzusu enerji və əlaqə olan panel müzakirəsində iştirak edəcək.
Mətbuat xidməti bildirir ki, Kobaxidzenin həmkarları ilə söhbətin mühüm mövzularından biri Avropa İttifaqının genişlənməsi olacaq.
Ukraynadakı hazırkı hadisələr və qeyri-qanuni miqrasiya Avropa siyasi birliyinin sammitində müzakirə olunacaq məsələlər sırasındadır. Sammit çərçivəsində tematik müzakirələr də nəzərdə tutulub.
