Another advertisement
Marneuli bələdiyyəsinin İkinci Kosalı kəndi yaxınlığında 2020-ci ildən intensiv şəkildə arxeoloji qazıntılar aparılır. Aparılan arxeoloji tədqiqatlar prosesində V-VI əsrlərə aid saray, məzar, insan qalıqları və bir çox mühüm artefakt aşkar edilmişdir.
Marneuli bələdiyyəsinin meri Kənan Ömərov, Sakrebulonun sədri Amiran Qiorqadze və merin birinci müavini Roin Dekanoidze aşkar edilmiş artefaktlarla yerində tanış olublar.
İkinci Kosalı kəndində arxeoloji qazıntılar Gürcüstanın Şota Rustaveli adına Milli Elm Fondunun maliyyə dəstəyi və Gürcüstan Milli Muzeyinin ekspedisiyası çərçivəsində, Davit Mindoraşvilinin rəhbərliyi ilə həyata keçirilir.
Aparılan arxeoloji qazıntılar Marneuli bələdiyyəsinin unikal mədəni-tarixi əhəmiyyətini bir daha vurğulayır.
