“Sarpi” və “Vale” gömrük-keçid məntəqələrində külli miqdarda bəyan edilməmiş siqaretin ölkə sərhədindən qanunsuz keçirilməsinə cəhd faktlarının qarşısı alınıb.
Qafqaztürk.com xəbər verir ki, bu barədə Gəlirlər Xidməti məlumat yayıb.
Məlumata görə, Maliyyə Nazirliyinin Gəlirlər Xidmətinin gömrük əməkdaşları tərəfindən müxtəlif ölkə vətəndaşlarına məxsus həm fiziki, həm də onlara məxsus baqajlarda və nəzarətlərində olan nəqliyyat vasitələrində aparılan ətraflı yoxlama nəticəsində ümumilikdə 45 445 ədəd bəyan edilməmiş siqaret aşkar ediblər.
“Gürcüstan Gömrük Məcəlləsinin 168-ci maddəsinin 3-cü hissəsinə əsasən qanunu pozan vətəndaşlardan sanksiya şəklində mallar müsadirə edilib və onların hər biri 1000 lari, Gömrük Məcəlləsinin 168-ci maddəsinin 3-cü hissəsinə uyğun olaraq cərimə edilib. Nəticədə mallar müsadirə edilib və təkrar fakt törədildiyi üçün onların hər birinə 3000 lari məbləğində cərimə tətbiq edilib”, – məlumatda deyilir.