Hökumətin qərarına əsasən, qeyri-standart alma məhsulunun satışının təşviqi məqsədilə dövlət proqramı həyata keçiriləcək.
Qafqaztürk.com xəbər verir ki, bu barədə Kənd Təsərrüfatı Nazirliyi məlumat yayıb.
Nazirliyin açıqlamasına görə, bu il qeyri-standart almanın məhsulu 50 min tondan çox olacaq.
“İstehsal olunan məhsulların boş qalmaması, fermerlərin məhsulun satışında problem yaşamaması və gəlir əldə etməsi üçün əvvəlki illərdə olduğu kimi bu il də qeyri-standart alma satışının təşviqi üzrə Dövlət Proqramı icra olunacaq.
Dövlət Proqramı çərçivəsində Kənd İnkişaf Agentliyi tərəfindən qeyri-standart almanın 1 kq-a görə 10 tetri subsidiya verilir. 2023-cü il dekabrın 15-dək fermerlərdən ən azı 1 kq qeyri-standart alma alan meyvə emalı şirkətlərinə dövlət subsidiyaları veriləcək.
Proqramın rəvan həyata keçirilməsi üçün almaların yerlərdə təhvil verilməsi prosesini əlaqələndirəcək xüsusi işçi qrupu yaradılacaq.
“Layihəyə cəlb olunacaq meyvə emalı müəssisələri koordinasiya qərargahında elektron formada qeydiyyatdan keçməli olacaqlar”, – məlumatda deyilir.