Patriarxlığın ictimaiyyətlə əlaqələr xidmətinin rəhbəri, keşiş Andria Cagmaidze bildirib ki, hökumət onlara pravoslavlığı dövlət dini elan etməyi təklif edib.
QafqazTürk Media bu barədə “Formula” telekanalına istinadən xəbər verir.
“Hakimiyyət tərəfindən belə bir təklif var idi. Bu halda, biz məzmuna diqqət yetirməliyik. Son zamanlarda görürük ki, hakimiyyət milli dəyərlərin və ənənələrin qorunması ilə bağlı aydın bir xətt aparır. Həmçinin, sülh siyasəti yürüdür və kilsə üçün çox işlər görür, buna görə də bu təklif də məhz bu kontekstdə nəzərdən keçirilməlidir ki, hakimiyyət kilsənin rolunu və statusunu daha da möhkəmləndirmək istəyir. Bu istiqamətdə – dəyərlərin, ənənələrin və xristian dəyərlərinin qorunmasına daha çox dəstək verilməsi lazımdır” , – deyə o qeyd edib.
Onun sözlərinə görə, hər hansı formulun qəbul edilməsi barədə qəti tələb irəli sürülməyib. Sözügedən məsələ patriarxlığın avqustun 29-da baş tutacaq iclasında müzakirəyə çıxarılacaq.
