Hindistan Pakistandan idxalı qadağan edib.
QafqazTürk Media xəbər verir ki, bu barədə Reuters məlumat yayıb.
Hindistanın Xarici Ticarət Baş Müdirliyinin verdiyi məlumata görə, qadağa dərhal qüvvəyə minəcək.
“Bu məhdudiyyət milli təhlükəsizlik və dövlət siyasətinin maraqlarına uyğun olaraq qəbul edilib”, – məlumatda deyilir.
Hindistanın nəzarətində olan Kəşmirdə yaraqlıların bir qrup turistə atəş açması və 26 nəfərin ölümünə səbəb olan aprelin 22-dən bəri Hindistan və Pakistan arasında gərginlik artıb. Hindistan insidentə görə Pakistanı günahlandırdı, İslamabad bunu rədd edərək Hindistanın hərbi əməliyyatlara başlamağı planlaşdırdığını iddia etdi.
Hücumdan sonra Hindistan Pakistanla əsas sərhəd keçidini bağladı, diplomatları qovdu və Hind çayının sularının bölüşdürülməsinə dair razılaşmanı dayandırdı, Pakistan isə hava məkanını Hindistan aviaşirkətləri üçün bağladı və Hindistan vətəndaşları üçün vizaları dayandırdı.
