HƏMAS daha 16-cı girovun cəsədini Qəzza zolağında Qırmızı Xaç təşkilatına təhvil verib.
QafqazTürk Media xəbər verir ki, bu barədə məlumatı İsrail ordusu təsdiqləyib. Məlumatda qeyd edilir ki, HƏMAS oktyabrın 13-də qalan 20 canlı girovu İsrailə təhvil verib.
Israil dövləti bildirir ki, HƏMAS 28 ölü girovun cəsədini İsrailə verməli idi və indiyədək yalnız 15-ni təhvil verə bilib. Buna bağlı HƏMAS iddia edir ki, cəsədləri müharibənin getdiyi bölgədə təxliyəsini etmək çətindir.
Xatırladaq ki,Qəzza zolağında cəsədlərin mübadiləsi İsrail və HƏMAS arasında atəşkəs razılaşmasının şərtlərindən biridir.
