Zeytun A, C, E, PP və B qrupu vitaminləri ilə zəngindir. Bundan əlavə, hər bir zeytunun tərkibində ürək, qan damarları, böyrəklər və qaraciyər patologiyalarının inkişafına mane olan amin turşuları var.
QafqazTürk Media xəbər verir ki, Mütəxəssislər hər gün zeytun yeməyin təsirlərini açıqlayıblar.
Mütəxəssislərin fikrincə, zeytun yemək mədə-bağırsaq traktının fəaliyyətini yaxşılaşdırır. Bu təsir, zeytunun fermentasiya proseslərinə məruz qalan bir məhsul olması səbəbindən əldə edilir. Faydalı bakteriyalar bağırsaqların və mədənin işini yaxşılaşdırır, maddələr mübadiləsini sürətləndirir. Zeytunun tərkibindəki poli doymamış yağ turşuları isə həzm şirələrinin və fermentlərin istehsalını aktivləşdirir və qaraciyər hüceyrələrini bərpa edir.
Zeytunun gündəlik istehlakı tərkibindəki oleokantal sayəsində Alzheimer xəstəliyinin, eləcə də digər beyin xəstəliklərinin inkişaf riskini azaldır.
Bundan əlavə, zeytunun tərkibində fol turşusu var ki, bu da hamiləliyə hazırlaşan qadınlara tövsiyyə olunur. Zeytun dəmir çatışmazlığı anemiyasından qoruyucu təsirə malikdir.
