10 Sentyabr 2021-ci il- gənc futbolçunun ölüm tarixi
Vaxtanq Çarkvianinin ölümünə səbəb kim və ya nə olub? Həkim səhlənkarlığı yoxsa yüksək dozalı narkotik? Bu və bir çox suallar hələ də cavabsız qalıb.
Futbolçu Vaxtanq Çarkvianinin müəmmalı ölüm faktının yeni dəlilləri ortaya çıxıb. Mərhumun atası iddia edir ki, oğlunun xəstəxana qeydləri Respublika Xəstəxanasında silinib.
Mərhum futbolçu Vaxtanq Çarkvianinin ailə üzvləri baş istintaq orqanına gələrək ekspertiza rəyini açıqlayıb. Açıqlamada analizlər üçün bioloji materialların götürülmədiyi, nəticədə terapiyanın düzgün aparılmadığı bildirilir. Bu da futbolçunun vəziyyətinin pisləşməsinə, daha sonra isə ölümünə səbəb olub.
Ölən futbolçunun atası Qiorqi Çarkviani oğlunun ölümünə səbəb olan həkimlərin cəzalandırılmasını tələb edir.
Onun qeyd etdiyinə görə, sentyabrın 27-də oğlunun məzarı başında həkimlərin törətdiyi cinayətin təsdiqini tapdığı sübutları ortaya qoyacaq.
Çarkviani deyir ki, onlar Respublika Xəstəxanasından oğlunun sağlamlıq vəziyyəti haqqında qeydlərin silindiyini təsdiqləyən məlumat əldə ediblər.
“Yeni aşkar edilmiş dəlillər qəssab həkimlərin oğluma qarşı törətdikləri cinayət əməllərini açıq-aydın göstərir. Respublika Xəstəxanasında oğlumun vəziyyəti haqqında olan qeydlərini silindiyini təsdiqləyən məlumat var məndə”, – Qiorqi Çarkviani deyir.
Vəkilin sözlərinə görə, həkimlər mərhum futbolçunun lazımi müayinəsini aparmayaraq səhv müalicəyə başlayıblar.
Məlumata görə, ğVaxtanq Çarkvianinin konkret müalicə edən həkimi olmayıb ona hər gün dəyişən növbətçi həkimlər baxıb. Ona görə də heç bir həkim məcburi prosedurlar həyata keçirilməyib, analizlər götürülmədən antibiotik terapiyasına başlanılıb ki, bu da sonda bu nəticəyə gətirib çıxarıb.
Analizlər götürülsə idi, o dərmanların düzgün dozası, düzgün diaqnozu və düzgün dozası ilə mütləq düzgün müalicə aparılardı. Həkimlərin məsuliyyəti məsələsi yaxın vaxtlarda qaldırılmalıdır”, – Zaal Davitaya bildirib.
Qeyd edəkki, Vaxtanq Çarkviani 2021-ci il sentyabrın 10-da Respublika Xəstəxanasında vəfat edib. Məlumata görə, klinikaya daxil olan zaman ona koronavirus diaqnozu qoyulub, lakin ailəsinin dediyinə görə, Çarkviani ölümündən əvvəl virusdan xilas olmuşdu.
Müstəqil ekspertiza müəyyən edib ki, Vaxtanq Çarkviani həddindən artıq dozada narkotik maddə qəbul etməsindən klinikada dünyasını dəyişib. Mərhum futbolçunun ailəsi isə tibbi sənədlərin saxtalaşdırıldığını iddia edir.
