10 Oktyabr tarixində “Gürcü Arzusu” partiyasının üzvlərinin və Rustavi şəhərinin meri Nino Latsabidzenin Rustavidə yerli azərbaycanlılarla görüşü baş tutub.
QafqazTürk Media xəbər verir ki, “Rustavi2” telekanalında “Kurieri” informasiya buraxılışında aparıcılar görüşlə bağlı xəbəri yayımlayarkən aparıcı efirdə görüşdə iştirak edən azərbaycanlıları “diaspora” adlandırıb.
Sözügedən telekanalın verdiyi xəbərin başlığı belə olub: ” ” Gürcü Arzusu” üzvləri Rustavidə Azərbaycan diasporasının nümayəndələri ilə görüşüb”.
Qeyd edək ki, Gürcüstan azərbaycanlıları diaspora deyil, aborigendir/yerli əhalidir və mərkəzi media telekanalının bu cür ifadəsi media standartlarına cavab vermir.
Qeyd edək ki, sözügedən xəbər başlığında “Gürcü Arzusu” üzvləri Rustavidə Azərbaycan diasporasının nümayəndələri ilə görüşüb” deyə qeyd olunması Gürcüstan azərbaycanlıları arasında birmənalı qarşılanmayıb.
