2023-cü il yanvarın 1-nə olan göstəriciyə əsasən, Gürcüstan əhalisinin sayı 3 milyon 736 min 400 min nəfər təşkil edib.
QafqazTürk.com xəbər verir ki, bu barədə Gürcüstan Statistika Xidməti məlumat yayıb.
Məlumata əsasən, mövcud göstərici əvvəlki ilin müvafiq dövrü ilə müqayisədə 1,3% çoxdur.
Qeyd etmək lazımdır ki, 2022-ci ildə mənfi təbii artım (-6 min 799) və müsbət miqrasiya saldosu (54 min 509) qeydə alınıb.
“2023-cü il yanvarın 1-nə olan göstəriciyə əsasən Gürcüstan əhalisinin 60,4%-i şəhər qəsəbələrində yaşayır. Bundan əlavə, Tbilisi əhalisi ümumi əhalinin demək olar ki, 1/3-ini təşkil edir.
Bununla yanaşı, 0-14 yaşlı əhalinin bütün əhali tərkibində olan sayı 20,7%, əmək qabiliyyətli əhalinin (15-64 yaş qrupu) sayı 63,8%, yaşı 65 və yuxarı olan əhalinin xüsusi sayı 15,6%-dir.
Kişilərin sayı 1793,8 min nəfər, qadınların sayı isə 1942,5 min nəfər olub. Bundan başqa, Gürcüstan əhalisinin 48%-ini kişilər, 52%-ini isə qadınlar təşkil edir. Yəni hər 100 qadına 92 kişi düşür.
Qeyd edək ki, 35 yaşa qədər kişilərin sayı qadınları üstələyir, 35 yaşdan sonra isə bunun əksi mənzərə müşahidə olunur ki, bu da qadınların kişilərə nisbətən daha uzun ömür sürməsi ilə əlaqədardır.
Əvvəlki illə müqayisədə 2022-ci ildə gözlənilən ömür uzunluğu 2,3 vahid artaraq 73,7, o cümlədən kişilər üçün 69,4, qadınlar üçün 78,1 yaş təşkil edib.
Gürcüstan əhalisinin orta yaşı isə 38-dir.
2022-ci ildə immiqrantların sayı 125 min 269 nəfər olub ki, bu da əvvəlki illə müqayisədə 25,3% çox, immiqrantların sayı isə 142,9% artaraq 179 min 778 nəfər olub.
Eyni dövrdə immiqrantların 84,3%-ini, emiqrantların isə 86,7%-ini əmək qabiliyyətli yaşda olan əhali (15-64 yaş qrupu) təşkil edir.
2022-ci ildə immiqrantların 30,3%-i və mühacirlərin 80,5%-i Gürcüstan vətəndaşları olub”, – deyə məlumatda bildirilib.
