Tbilisi meriyasının “Transplantasiya proqramı” çərçivəsində sümük iliyi transplantasiyası komponentinə başqa bir tədqiqatın maliyyələşdirilməsi əlavə olunacaq ki, bu da Gürcüstanda kök hüceyrə donorlarının reyestrini yaratmağa imkan verəcək”.
QafqazTürk Media xəbər verir ki, bu barədə Tbilisi Sakrebulosunda Sosial Məsələlər Komissiyasının Səhiyyənin Mühafizəsi və Səhiyyə İdarəsinin sədri Zurab Çikviladze bildirib.
Onun sözlərinə görə, Gürcüstanda kök hüceyrə donor bankının yaradılması Ümumdünya Sümük İliyi Donorları Təşkilatı ilə əməkdaşlıq və onların dəstəyi ilə həyata keçirilir.
Zurab Çikviladzenin qeyd etdiyinə görə, könüllülərə sümük iliyində insan leykosit antigeninin təyini və digər tədqiqatlar aparılacaq və bu tədqiqatlar bələdiyyə tərəfindən maliyyələşdiriləcək.
“Gələcəkdə belə reyestrin mövcudluğu xəstələrə ölkədən çıxmadan onkoloji və onkohematoloji xəstəliklərin idarə olunması üzrə bütün tibbi xidmətlərdən yararlanmağa imkan verəcək.
Həmçinin, Tbilisi Bələdiyyəsinin büdcəsi transplantasiyadan sonrakı dövrün idarə olunması və qaraciyər transplantasiyası da daxil olmaqla, sümük iliyi (kök hüceyrə) transplantasiyası, yüksək dozalı kimyaterapiya və transplantasiyadan (autoloji transplantasiya, allogenik transplantasiya, haploidentik transplantasiya) əvvəl bütün tədqiqatları tam maliyyələşdirir.
Biz hər zaman xalqımızın ehtiyaclarını nəzərə alaraq onların qayğısına qalmağa hazırıq”, – Zurab Çikviladze bildirib.
