Gürcüstan hökumətinin qərarına əsasən, bu ilin oktyabr ayından etibarən məzuniyyət ərəfəsində olan tələbələr və məzunlar müxtəlif dövlət qurumlarında 3 aylıq ödənişli təcrübə proqramında iştirak edə biləcəklər.
Proqram çərçivəsində 413 nəfərə Daxili İşlər Nazirliyinin müxtəlif strukturlarında ödənişli təcrübə keçmək imkanı yaradılacaq.
Təcrübədə iştirak etmək istəyənlər 1–10 sentyabr tarixlərində www.hr.gov.ge portalı vasitəsilə müraciət edə bilərlər.
Namizədlər üçün əsas şərtlər:
Gürcüstan vətəndaşı olmaq;
Dövlət dilini bilmək;
Bakalavriatın son kursunda oxumaq, magistr pilləsində təhsil almaq və ya 2024–2025-ci tədris ilinin yaz semestrində bakalavriat/magistraturanı bitirmək.
Seçim zamanı namizədlərin akademik göstəriciləri (GPA) nəzərə alınacaq. Müsahibə mərhələsində yüksək nəticələrə malik olanlara üstünlük veriləcək.
Müraciət üçün tələb olunan sənədlər:
Şəxsiyyət vəsiqəsinin surəti;
Motivasiya məktubu;
Təhsil mərhələsi və akademik göstəricilərlə bağlı məlumat.
Konkurs iki mərhələdən ibarət olacaq – sənədlərin yoxlanılması və müsahibə. Yekun qərarı xüsusi komissiya qəbul edəcək.
