Avqustun 1-dən Gürcüstanda bir sıra dəyişikliklərin həyata keçirilməsi planlaşdırılır.
QafqazTürk Media sözügedən dəyişikliklərin siyahısını təqdim edir:
Bu gündən “xarici gücün maraqlarını həyata keçirən təşkilatlar”ın reyestri həyata keçiriləcək.
Dövlət Reyestrinin Milli Agentliyinə “Xarici təsirin şəffaflığı haqqında” qanunla nəzərdə tutulmuş səlahiyyətləri həyata keçirmək hüququ verilib. Ədliyyə Nazirliyinin əmri ilə Dövlət Reyestrinin Milli Agentliyində “Xarici təsirin şəffaflığı haqqında” qanunla nəzərdə tutulmuş səlahiyyətlərin həyata keçirilməsi həvalə edilmiş maliyyə bəyannaməsi şöbəsi yaradılır.
Bundan əlavə, bu gündən yuxarıda qeyd olunan reyestrdə qeydiyyatdan keçmək gəliri 20%-dən çox xaricdən olan bütün qeyri-hökumət və media qurumları üçün məcburi xarakter daşıyır.
Xarici dövlətin maraqlarını daşıyan təşkilat kimi qeydiyyatdan keçmək və ya bəyannaməni doldurmamaq təşkilatın 25 min lari məbləğində cərimələnməsi ilə nəticələnəcək. Qanunda həmçinin aşağıdakı cərimələr nəzərdə tutulur: – Ədliyyə Nazirliyinin internet saytında ərizə təqdim edildikdən sonra 10 iş günü ərzində təşkilat tərəfindən doldurulmadıqda 10 min lari; Sənədlərdəki çatışmazlıq müəyyən edilmiş müddətdə aradan qaldırılmadıqda – 10 min lari; Qanunla nəzərdə tutulmuş pozuntudan bir ay sonra – 20 min lari.
Bundan sonra qablaşdırılmış ərzaq üzərində istehsal olunduğu ölkənin göstərilməsi məcburi olur.
“İstehlakçıya qida məhsulları barədə məlumat verilməsi haqqında” texniki reqlamentdə qida məhsullarına təsir edən dəyişiklik bu gündən qüvvəyə minir.
Xüsusən də qablaşdırılmış qidaların üzərində görünən yerə qoyulmalı olan məlumatlar müəyyən edilib.
Bundan sonra məhsulların adı, allergen və ya həssaslığı artıran maddələr olan məhsulun inqrediyentləri və istehsal olunduğu ölkəsi mütləq şəkildə göstəriləcək.
Məlumat üçün bildirək ki, indiyədək ərzaqların istehsal olunduğu ölkənin göstərilməsi yalnız ət üçün məcburi idisə, edilən dəyişikliklə avqustun 1-dən bütün növ ərzaq məhsulları üçün məcburi olacaq.
Bu gündən etibarən Rusiyadan benzinin ixracı yenidən qadağan ediləcək.
Bu gündən etibarən Rusiyadan benzinin ixracı yenidən qadağan ediləcək. Bu dəyişikliyin Gürcüstana da müəyyən təsiri ola bilər.
Məlumat üçün bildirək ki, Rusiya Gürcüstan üçün əsas yanacaq idxalçılarından biridir və yanacaq idxalının demək olar ki, 53 faizi onun payına düşür. Bəzi neft idxalçılarının fikrincə, Rusiya bazarı Gürcüstan üçün ən ucuz bazardır, ona görə də Rusiyanın qadağanı həyata keçirməsi yanacağın qiymətinə mənfi təsir göstərəcək. Lakin bəziləri bunun Gürcüstan bazarına ciddi təsir etməyəcəyini düşünür.
Xatırladırıq ki, avtomobil yanacağının daxili bazarda qiymətini sabitləşdirmək məqsədilə ötən il də 2023-cü il sentyabrın 21-dən noyabrın 17-dək Rusiyadan benzinin ixracı qadağan edilib. Rusiya ikinci dəfə qadağanı 2024-cü il martın 1-dən tətbiq edib. Lakin mayın 20-də hökumət istehsalın qismən bərpası fonunda xaricə benzinin tədarükünü əvvəlcə iyunun sonunadək, sonra isə müvəqqəti olaraq iyulda bərpa edib.
