Gürcüstan əhalisinin 20%-i özəl tibbi sığortadan faydalanır.
QafqazTürk Media xəbər verir ki, Sığorta Nəzarəti Xidməti 6 aylıq hesabat haqda məlumat yayıb.
Sığorta bazarına baxış göstərir ki, tibbi sığorta polislərinin sayı artmaqdadır. O cümlədən, 30 iyun tarixinə olan vəziyyətə görə, tibbi (sağlamlıq) sığorta növü üzrə 735 061 aktiv polis olduğu halda, 30 iyun 2023-cü il tarixinə bu rəqəm 721 747, 2022-ci ildə isə 668 141 polis olub.
Qeyd edək ki, sığorta növləri üzrə toplanan sığorta haqqı tibbi (sağlamlıq) sığortası istiqamətində ən yüksəkdir və 6 ayın məlumatına görə, 341,4 milyon lari təşkil edir ki, bu da 2023-cü ilin 6 ayında mövcud olan 279,8 milyon lari ilə müqayisədə artım deməkdir.
Toplanan mükafat və tibbi sığorta növü üzrə bazar payı şirkətlər üzrə aşağıdakı kimi bölüşdürülür:
“Gipiai” – mükafat ₾85,3 milyon artdı, bazar payı 25%;
“İmedi L” – mükafat ₾66,5 milyon artdı, bazar payı 20%;
“Ardi” – mükafat ₾49,3 milyon artdı, bazar payı 14%;
“TBC” – mükafat ₾33,6 milyon artdı, bazar payı 10%;
“Benefit” – mükafat ₾24,5 milyon artdı, bazar payı 7%.
