Gürcüstan və Azərbaycan hökumətləri arasında müdafiə sahəsində əməkdaşlıq haqqında saziş imzalanıb.
QafqazTürk xəbər verir ki, bu barədə Gürcüstan Müdafiə Nazirliyi xəbər verir.
Nazirliyin məlumatına görə, saziş Gürcüstan və Azərbaycanın müdafiə qurumları arasında əməkdaşlığı gücləndirəcək. Müdafiə sahəsində əməkdaşlıq haqqında yenilənmiş saziş Gürcüstanın müdafiə nazirinin Azərbaycana səfəri çərçivəsində imzalanıb.
“Cuanşir Burchuladzeni azərbaycanlı həmkarı qonaq edib. Müdafiə naziri general-polkovnik Zakir Həsənova göstərdiyi səmimi qonaqpərvərliyə görə minnətdarlığını bildirib. Strateji tərəfdaş və dost ölkə ilə xalqlar arasında sıx əlaqələrin və mehriban qonşuluq münasibətlərinin olduğunu vurğulayıb.
Söhbətdə regionda təhlükəsizlik problemlərinə toxunulub. Diqqət yüksək səviyyəli ikitərəfli səfərlərin dinamikasına yönəldilib ki, bu da ölkələr və regionun rifahı naminə əlaqələri daha da gücləndirməyə hazır olduğunu təsdiqləyir.
Görüşdə müdafiə sahəsində ikitərəfli əməkdaşlığın cari məsələləri və gələcək planlar, o cümlədən beynəlxalq təlimlərdə və hərbi-təhsil proqramlarında iştirak müzakirə olunub. Söhbət zamanı Azərbaycan-Türkiyə-Gürcüstan üçtərəfli əməkdaşlıq formatında əməkdaşlıq məsələlərinə toxunulub. Qeyd olunub ki, strateji səviyyəli görüşlər, müdafiə sahəsində əməkdaşlıq, birgə təlimlər və ekspertlərin görüşləri ölkələr arasında qarşılıqlı əlaqəni daha da gücləndirir.” – Gürcüstanın Müdafiə Nazirliyi məlumat yayır.
Görüşün sonunda Xuanşer Burçuladze azərbaycanlı həmkarını mayın 26-da Gürcüstanın Müstəqillik Gününə həsr olunmuş tədbirə dəvət edib.
Rəsmi görüşdən əvvəl müdafiə naziri “Fəxri xiyaban”da Azərbaycanın ümummilli lideri Heydər Əliyevin məzarı önünə əklil qoyub.
