UEFA Millətlər Liqasının 2024-2025-ci il mövsümünün üçüncü oyununda Gürcüstan millisinin rəqibi Ukrayna olacaq.
QafqazTürk Media xəbər verir ki, bu barədə məlumatı Milli komanda yayıb.
Əldə olan məlumata görə, sentyabrın 18-i saat 12:00-da http://TKT.GE vasitəsilə Gürcüstan azarkeşləri üçün biletlərin satışına başlanılacaq.
Biletin qiyməti 32 lari (45 Polşa zlotu) olacaq. Hər bir müştəri matçda iştirak etmək üçün maksimum iki bilet ala bilər.
“Nəzərinizə çatdırırıq ki, hər bir müştəri öz pasport nömrəsini/şəxsi nömrəsini və əlaqə məlumatlarını (mobil telefon nömrəsi və e-mail) təqdim etməlidir. Siz təyin olunmuş biletinizi oyunun başlamasına 3 gün qalmış göstərilən elektron poçt vasitəsilə alacaqsınız”-deyə yayılan məlumatda bildirilir.
Xatırladaq ki, qarşılaşma Polşanın Poznan şəhərində keçiriləcək.
