Another advertisement
Gürcüstan Prokurorluğu yeniyetməyə qəsdən adam öldürməyə cəhddə ittiham irəli sürüb.
İstintaq orqanının verdiyi məlumata görə, Daxili İşlər Nazirliyi tərəfindən aparılan istintaqla müəyyən edilib ki, dekabrın 23-də Tbilisidə 14 yaşlı təqsirləndirilən şəxs 16 yaşlı azyaşlıya həyati təhlükəsi olan xəsarət yetirib.
Saxlanılan şəxsə qarşı Gürcüstan Cinayət Məcəlləsinin 19.109-cu maddəsinin “e” bəndi (yetkinlik yaşına çatmayan şəxsə qarşı qətlə cəhd) ilə ittiham irəli sürülüb.
Prokurorluq qanunla müəyyən edilmiş müddətdə təqsirləndirilən şəxs barəsində həbs qətimkan tədbirinin seçilməsi barədə vəsatətlə məhkəməyə müraciət edir.
Daxili İşlər Nazirliyində başlanmış cinayət işinin istintaqı davam etdirilir.
