Gürcüstan parlamentinin sədri Şalva Papuaşvili Azərbaycan Respublikasının Prezidenti İlham Əliyevlə görüşüb.
Gürcüstan parlamentinin mətbuat xidmətinin yaydığı məlumatda qeyd edilir ki, Şalva Papuaşvilinin güclü Azərbaycan dövlətinin formalaşmasında və Cənubi Qafqazda strateji layihələrin inkişafında Azərbaycanın ümummilli lideri Heydər Əliyevin xüsusi rolunu vurğulayıb.
“Parlament sədri Gürcüstanın ərazi bütövlüyünə verdiyi qəti dəstəyə və Gürcüstanla Azərbaycan arasında strateji tərəfdaşlığın dərinləşdirilməsində şəxsi töhfəsinə görə İlham Əliyevə minnətdarlığını bildirib. Tərəflər iki ölkə arasında münasibətlərin dinamikasını müsbət qiymətləndiriblər. Enerji, nəqliyyat, ticarət və digər sahələrdə effektiv əməkdaşlığa diqqət yetirilib. Görüşdə həmçinin regionda cərəyan edən hadisələrə toxunulub. Tərəflər regional sülh, firavanlıq və sabitliyin təşviqi istiqamətində əməkdaşlığı davam etdirməyə dair hazırlıq ifadə ediblər” – məlumatda qeyd edilir.
