“Gürcüstan parlamenti tamamilə qanuni şəkildə toplandı”.
QafqazTürk Media xəbər verir ki, bu barədə Levan İoseliani bildirib.
“Gürcüstanda parlamentin ombudsman institutu var, bu o deməkdir ki, ombudsman parlamentə hesabat hazırlayır, ona görə də bizim ilboyu işlədiyimiz və hesabatı təqdim etdiyimiz yer Gürcüstan parlamentidir”, – deyə ictimai müdafiəçi Levan İoseliani vurğulayıb.
Ombudsmanın sözlərinə görə, parlament Konstitusiyanın 38-ci maddəsinə əsasən tam qanunauyğun şəkildə iclas keçirib və orada açıq şəkildə qeyd olunub ki, icmal protokol elan edildikdən sonra parlament on gün ərzində iclas keçirir.
“Bütün digər maddələr, digər qeyd-şərtlər, o cümlədən konstitusiya iddiası konstitusiya mətnindən üstün ola bilməz, hansı ki, baş vermiş və təbii ki, qanuni idi. Nə əsasnamə, nə də hər hansı digər hüquqi akt Konstitusiyadan yüksək iyerarxik əhəmiyyətə malik sənəd deyil. Qalan hər şey müzakirə mövzusudur. Məhkəmə müzakirə edib müvafiq qərar çıxaracaq ”- deyə o qeyd edib.
