Gürcüstan hökuməti yeni, irimiqyaslı layihəyə başlayır və bu layihə çərçivəsində 43 bina tikiləcək və 1200 hərbçiyə mənzillər veriləcək.
QafqazTürk Media xbər verir ki, bu barədə baş nazir İrakli Kobaxidze öz çıxışı zamanı bildirib.
Kobaxidzenin hökumətin bugünkü iclasında qeyd etdiyinə əsasən, iştirak prinsipi əsasında hərbi qulluqçular hər kvadratmetr üçün cəmi 100 dollar ödəyəcəklər və bunun ödənilməsi üçün faizsiz daxili taksitlərdən istifadə olunacaq.
“Əvvəlki görüşdə mən müdafiə nazirindən hərbi qulluqçular üçün mənzil tikintisi layihəsinin yeni mərhələsinə başlamaq üçün plan hazırlamağı xahiş etmişdim. Mən müdafiə nazirinə çevik reaksiyasına və planı təqdim etdiyinə görə təşəkkürümü bildirirəm. Biz yeni, çox irimiqyaslı layihəyə başlayırıq, bu layihə çərçivəsində 43 bina tikiləcək, 1200 hərbçiyə mənzillər veriləcək. Bu, bizim hərbi qulluqçulara olan ən yüksək ehtiramımızın ifadəsidir. İştirak prinsipi əsasında hərbi qulluqçular hər kvadratmetr üçün cəmi 100 ABŞ dolları ödəyəcək və bunun ödənilməsi üçün faizsiz daxili taksitlər tətbiq olunacaq. Mənzillər kafilik prinsipi ilə bölüşdürüləcək. Hərbçilər 50-80 və 100 kvadratmetrlik mənzillər alacaqlar. Bu layihə gələcəkdə də davam edəcək, yeni müdafiə məcəlləmiz bunu təmin edəcək. Təbii ki, belə təşəbbüslər hərbi qulluqçuların və onların ailə üzvlərinin sosial-məişət şəraitinin yaxşılaşdırılmasına, hərbi qulluqçuların həvəsinin artmasına, hərbi xidmətə qoşulmaq həvəsinin artmasına səbəb olacaq. Ümumiyyətlə, bütün bunlar Gürcüstan ordusunu gücləndirəcək, bu, bizim əsas prioritetlərimizdən biridir”, – deyə Baş nazir vurğulayıb.
