“Əgər Gürcüstan təkpartiyalı, siyasi müxalifətin qadağan olunduğu ölkəyə, vətəndaş cəmiyyətinin işləmək üçün xaricə getməli olduğu bir yerə çevrilərsə, azlıqların insan hüquqları, azlıqlar da daxil olmaqla qorunmazsa, Gürcüstan Avropa İttifaqına üzv ola bilməz – Nə bu gün, nə sabah, nə də o biri gün. Bunlar danışıqlara tabe olmayan prinsiplərdir və Avropa İttifaqının həm indiki, həm də gələcək üzvləri onlara ciddi əməl etməlidir”- bu haqda Avropa Birliyinin Gürcüstandakı səfiri Pavel Herçinski jurnalistlərə bildirib.
Onun sözlərinə görə, seçim gürcü xalqının əlindədir – gürcü xalqı hansı hakimiyyətə sahib olmaq istədiyinə qərar verməlidir.
“Əgər bu hökumət Gürcüstanın Avropa İttifaqına qoşulması prosesində maraqlıdırsa, biz gürcü xalqının demokratik yolla seçdiyi istənilən hökumətlə işləməyə hazırıq”, – deyə səfir bildirib.
Bununla belə, o, Avropa İttifaqının müəyyən dəyərlər üzərində qurulduğunu və bu dəyərlərin danışıqlara məruz qalmadığını vurğulayıb.
“Bu dəyərlər müqavilələrdə öz əksini tapıb: bunlar azadlıq, demokratiya, qanunun aliliyi, azlıqların hüquqlarıdır və biz ürəkdən ümid edirik ki, 26 oktyabr seçkiləri zamanı gürcü xalqı bunlara sadiq qalacaq yeni hökumət seçəcək”.
