Gürcüstan ABŞ-ın təşkil etdiyi “Defender 23” beynəlxalq hərbi təlimlərində iştirak etmir. “Defender 23” ABŞ, NATO müttəfiqləri və digər tərəfdaşlar arasında qarşılıqlı fəaliyyətin və hazırlığın inkişafına yönəlmiş illik hərbı təlimlərdir. Qeyd edək ki, Gürcüstan mütəmadi olaraq NATO təlimlərində iştirak edirdi və Gürcüstanda da bəzi hərbi təlimlər keçirilirdi.
Gürcüstan əvvəlcə Pentaqonun aprelin əvvəlində dərc etdiyi siyahıda təlimlərdə iştirak edənlər arasında idi. Lakin sonradan məlumat bir neçə dəfə yenilənib. İlkin olaraq siyahıdan Ermənistan çıxarılıb, hansı kı siyahıda olması Rusiyanın narahatlığına səbəb olmuşdur. Daha sonra ümumi ölkələrin siyahısı tamamilə silindi. Bu hadisədən sonra, Pentaqonun saytındakı bildiriş bu formada verilir. “Bu siyahı əvvəlki versiyalardan aydınlıq üçün yenilənib. Mümkün çaşqınlığa görə üzr istəyirik”, – bəyanatın yekun variantında deyilir.
“Defender 23” aprelin 22- 23-də başlayıb və Gürcüstan kontingenti bu il iştirak etmir. Gürcüstanın müdafiə naziri Juanşer Burçuladze aprelin 30-da jurnalistlərlə söhbəti zamanı bildirib ki, bu hadisədə heç kim problem görməməlidir və maddi-texniki xərcləri qeyd edib. Juansher Burchuladzenin sözlərinə görə, bu məsələdən danışmaq spekulyasiyadır (Hər hansı bir şəraitdən, kiminsə çətinliklərindən öz məqsədlərin və planların naminə istifadə etmək). Onun sözlərinə görə, Gürcüstan bu il 20 beynəlxalq hərbi təlimdə iştirak edəcək.
“Bu il biz 20 beynəlxalq təlimdə iştirak edirik. “Defender 23” təlimlərində bu il iştirak etməmək, belə demək mümkünsə, xərclərlə bağlı ola bilər və bu, heç nəyi dəyişmir. Təlimlərimizin rekord sayı keçən il olub, o zaman Gürcüstanda 6 beynəlxalq təlim keçirilib. Həm də xaricdə iştirakımız rekord həddədir və bu spekulyasiyanın perspektivi yoxdur”. – Burçuladze qeyd edıb.
