“Gürcü Arzusu”nun mərkəzi ofisindən mitinq iştirakçıları Rustaveli prospektinə doğru yürüş edəcək və orada Parlament qarşısındakı mitinqə qoşulacaqlar.
Mitinq iştirakçılarının dediyinə əsasən, onlar Gürcüstanın Avropa gələcəyi üçün sona qədər mübarizə aparacaqlar. Etiraz yürüşündə vətəndaşları aksiyaya qoşulmağa çağıran “Çıx çölə” müraciətləri eşidilir.
Bundan əvvəl aksiya iştirakçıları etiraz əlaməti olaraq Qorqasali küçəsini bağlamışdılar.
Qorqasali küçəsindəki aksiya Gürcüstanın baş naziri İrakli Kobaxidzenin parlament əksəriyyəti və hökumət komandasının görüşündən sonra keçirdiyi brifinqdə Gürcüstanın Avropa İttifaqı ilə danışıqlara başlamaq məsələsini 2028-ci ilədək qədər gündəmə gət bəyan etməsindən sonra elan edilib. Baş nazirin sözlərinə görə, Gürcüstan da 2028-ci ilin sonuna qədər Avropa İttifaqının istənilən büdcə qrantından imtina edir.
