Another advertisement
Güclü külək və daşqınlar Sameqrelo-Zemo Svanetidə problemlər yaradıb. Martvildə əsən güclü külək çoxmənzilli evin, həmçinin Çxorocğu və Calencixada bir neçə fərdi evin damını uçurub.
QafqazTürk.com xəbər verir ki, güclü külək həmçinin Zuqdidi bələdiyyəsinin Ruxi kəndindəki dövlət məktəbinin dam örtüyünü də yararsız hala salıb və nəticədə tədris prosesi yarımçıq qalıb.
Gecə saatlarında külək nəticəsində ağaclar uçub. Hazırda kəndlərin bir hissəsinə elektrik enerjisi verilmir və bərpa işləri aparılır.
Anakliada isə sel olub. Enquri çayı yatağından çıxıb və sahilə yaxın olan 7 evi su basıb.
