Fransa prezidenti Emmanuel Makron Sebastien Lecornu-nu yenidən baş nazir vəzifəsinə təyin edib.
QafqazTürk Media xəbər verir ki, bu barədə Yelisey Sarayı məlumat yayıb.
“Respublika prezidenti cənab Sebastien Lecornu-nu baş nazir təyin edib və ona hökuməti formalaşdırmağı tapşırıb”, – bəyanatda bildirilib.
Bu həftənin əvvəlində baş nazir vəzifəsindən istefa verən Lecornu Fransadakı siyasi böhrana son qoyulması zərurətini vurğulayıb: “Biz Fransanın maraqlarına zərər vuran bu siyasi böhrana və qeyri-sabitliyə son verməliyik”.
Qeyd edək ki, Fransada siyasi böhran oktyabrın 6-da Lecornu-nun istefasından sonra daha da dərinləşmişdi. Prezident Makron onun təyin olunmasından sonra siyasi böhranın həlli üçün müxtəlif partiyalarla danışıqlar aparmağı tapşırıb.
Makron Lecornu-nu yenidən baş nazir təyin etməzdən əvvəl parlamentdə təmsil olunan partiyaların liderləri ilə görüşüb.
