Milli Qida Agentliyinin məlumatına görə, Dedoplistskaro Bələdiyyəsinin qış otlaqında yerləşən fermada itdə quduzluq hadisəsi qeydə alınıb.
Onların fikrincə, infeksiya mənbəyi canavardır.
“Laboratoriya araşdırmaları nəticəsində mayın 20-də itdə quduzluq faktı təsdiqlənib.
İnfeksiya mənbəyinin canavar olduğu da müəyyən edilib. Milli Qida Agentliyi tərəfindən epidemiya zonasında karantin tədbirləri, o cümlədən məcburi vaksinasiya, heyvanların hərəkətinin məhdudlaşdırılması, dezinfeksiya və heyvanlara baytarlıq nəzarəti həyata keçirilir. Hadisə ilə bağlı aidiyyatı səhiyyə orqanları məlumatlandırılıb.
Quduzluq həm ev heyvanlarına, həm də vəhşi heyvanlara, eləcə də insanlara təsir edən təhlükəli zoonoz xəstəlikdir. İnfeksiya yoluxmuş heyvanla təmasla (dişləmə, cızma) baş verir. Klinik əlamətlər göründükdən sonra xəstəlik ölümcül olur. Heyvanlarda quduzluğun qarşısını peyvəndlə almaq olar.
Milli Qida Agentliyi hər il quduzluğa qarşı pulsuz peyvənd prosesi aparır və 300 minə qədər heyvanı peyvənd edir.
Agentlik heyvanların quduzluğuna yoluxmamaq və öz həyatlarını təhlükəyə atmamaq üçün əhalini ev heyvanlarını (it, pişik) vaxtında peyvənd etməyə çağırır”, – məlumatda deyilir.
