Son günlər Rustaveli prospektində Gürcüstanın baş naziri İrakli Kobaxidzenin qəbul etdiyi qərara – Avropa İttifaqı ilə danışıqların 2028-ci ilə qədər dayandırılmasına etiraz edən bir qrup vətəndaş və fəallar Ədliyyə Evinə daxil olaraq əməkdaşları tətilə çağırıblar.
QafqazTürk Media xəbər verir ki, aksiya iştirakçıları mitinqlərdə qanunsuz saxlanılan məhbusların da azadlığa buraxılmasını tələb edirlər.
Onlar pankartlarla binaya daxil olublar və Ədliyyə Evinin mühafizə xidməti onları binanı tərk etməyə və səs-küy salmaqdan çəkinməyə çağırıb.
Mitinq iştirakçıları müxtəlif məzmunlu – “Rejim məhbuslarına azadlıq” plakatları, həmçinin həbs edilmiş və döyülmüş insanların təsviri olan bannerlər gətiriblər.
Mühafizə xidmətinin əməkdaşları binanın giriş qapısını bağlayıb və vətəndaşların binaya daxil olmasına məhdudiyyətlər qoyurlar.
Ədliyyə Evindən çıxarılan fəallar hazırda binanın qarşısındadır və etirazlarını davam etdirirlər.
Ədliyyə Evində iş dayandırılıb.
