Another advertisement
Estoniya Xarici İşlər Nazirliyi “Twitter” hesabında Kirbala kəndi yaxınlığında baş verən hadisələrə münasibət bildirib.
“Biz Gürcüstanda, işğal xəttinin yaxınlığında baş verən ölümcül insidenti, Gürcüstan vətəndaşının öldürülməsini qətiyyətlə pisləyirik. Rusiya Federasiyasının sərhədçiləri tərəfindən güc tətbiqi yolverilməzdir. Ailəsinə başsağlığı veririk”- deyə məlumatda bildirilir.
Rusiya işğalçı qüvvələri işğal altındakı Kirbala yaxınlığında Gürcüstan vətəndaşı Tamaz Qinturini öldürüb, bir vətəndaşı isə qanunsuz olaraq saxlayıblar. Gürcüstanın mərkəzi hakimiyyətinin tələbi ilə Erqnetidə görüş keçirilib.
