Əslən Gürcüstanın Marneuli rayonunun Yuxarı Saral kəndindən olan, Azərbaycanın ən güclü badmintonçularından hesab edilən Orxan Qələndərovu tanıyaq!
2000-ci ildən etibarən Badmintonla məşğul olan Orxan Qələndərov dəfələrlə müxtəlif kateqoriyalar üzrə Azərbaycan çempionu olub.
Azərbaycanı Beynəlxalq arenalarda təmsil edən idmançı, Tehran şəhərində keçirilən beynəlxalq yarışda bürünc medal qazanıb.
Həmçinin 2015-ci ildə Bakıda keçirilən ilk Avropa Oyunlarında iştirak edib.
2018-ci ildə İspaniyanın Huelva şəhərində keçirilən Avropa çempionatında çıxış edib.
Bununla yanaşı, 2018-ci ildə Rusiyanın Kazan, 2020-ci ildə Fransanın Lievin şəhərində keçirilən komandalararası Avropa çempionatlarında kişilərdən ibarət milli komandanın heyətində yer alıb.
Qeyd edək ki, Orxan Qələndərov peşəkar idmançı karyerasını başa vurduqdan sonra badminton üzrə Azərbaycan Milli komandansında məşqçi kimi fəaliyyətini davam etdirir.
O, badmintonun populyarlaşması məqsədilə Volan Badminton klubunun əsasını qoyub, bununla da badmintonun və idmanın gənclər arasında təbliğinə öz töhfəsini verməyə davam edir.
