Ermənistanda amerikalı hərbçilərin iştirakı ilə hərbi təlimlər keçiriləcək.
Qafqaztürk.com xəbər verir ki, bu barədə Ermənistan Müdafiə Nazirliyinin mətbuat xidməti məlumat yayıb.
Ermənistan Müdafiə Nazirliyinin məlumatına görə, iyulun 15-24-də Ermənistanda erməni və amerikalı hərbçilərin iştirakı ilə “Qartal tərəfdaşı 2024” təlimi keçiriləcək.
“Beynəlxalq sülhməramlı missiyalarda iştiraka hazırlaşmaq üçün iyulun 15-dən 24-dək Ermənistanda “Qartal tərəfdaşı 2024” erməni-amerikan birgə təlimi keçiriləcək. Təlimlərdə Ermənistan Silahlı Qüvvələrinin sülhməramlı briqadasının, ABŞ-ın Avropa və Afrikadakı quru qoşunlarının, Kanzas Milli Qvardiyasının hərbçiləri iştirak edəcək”, – məlumatda deyilir.
Məlumat üçün bildirək ki, Eagle Partner-ın ilk təlimi 2023-cü ildə Ermənistanda keçirilib.
