Türkiyə prezidenti Rəcəb Tayyib Ərdoğan UEFA-nın Merih Dəmiralı diskvalifikasiya etməsinin türk xalqı üçün cəza olduğunu bildirib.
Qafqaztürk.com xəbər verir ki, bu barədə Türkiyə prezidenti Almaniyadan qayıdarkən jurnalistlərə müsahibəsində bildirib.
Ərdoğanın sözlərinə görə, türk futbolçu Merih Dəmiralın diskvalifikasiyası siyasi qərar olub və Avropa çempionatına ciddi ziyan vurub.
“Qərbin Türkiyəyə münasibəti mentalitet baxımından dəyişməyib. Merih Dəmirala verdikləri cəza əvvəlcədən razılaşdırılıb. Əslində bu bir millət olaraq Türkiyəyə verilən cəzadır. Bunun üçün ən yaxşı mükafat Hollandiya millisi ilə matçda qalib gəlmək olardı. Təəssüf ki, bu baş vermədi, amma qarşıda 2026-cı il dünya çempionatı və 2028-ci il futbol üzrə Avropa çempionatı var. Ən yaxşı hazırlıq vəziyyətində, ümid edirik ki, qisas almaq şansımız olacaq”, – deyə Ərdoğan bildirib.
Məlumat üçün bildirək ki, UEFA Türkiyə millisinin üzvü Merih Dəmirlini diskvalifikasiya etmək qərarına idmançının “Boz Qurdlar” işarəsi ilə millinin qələbəsini qeyd etməsindən sonra verilib.
