Əhməd əl-Şaraa Suriyanın yeni prezidenti təyin edilib.
QafqazTürk Media xəbər verir ki, bu barədə BBC məlumat yayıb.
Suriya mətbuatının məlumatına görə, Suriyanın faktiki lideri Əhməd əl-Şaraa ölkənin “keçid dövrü”ndə prezident vəzifəsini icra edəcək.
Həmçinin Suriya üsyançılarının hərbi komandiri Həsən Əbdül Qani Suriyanın 2012-ci il konstitusiyasının ləğv edildiyini və keçmiş rejimin parlamenti, ordusu və təhlükəsizlik xidmətlərinin buraxıldığını bəyan edib.
Əhməd əl-Şaraa yeni konstitusiya təsdiqlənənə qədər Suriyanı idarə etmək üçün ona müvəqqəti qanunvericilik şurası yaradacaq.
Xatırladaq ki, Əhməd əl-Şaraa başçılıq etdiyi suriyalı üsyançılar dekabrın 8-də Dəməşqi ələ keçirərək Suriyanın keçmiş prezidenti Bəşər Əsəd rejimini devirmişdilər. Keçmiş prezident Bəşər Əsəd Rusiyaya qaçıb.
