Ağ Ev ABŞ prezidentinin Donald Tramp və Vladimir Putin arasında telefon danışığı ilə bağlı bəyanatını yayıb. Mətnə görə, Donald Tramp və Vladimir Putin İran və İsrail arasındakı gərginliyi müzakirə ediblər.
Donald Trampın bəyanatında deyilir: “Prezident Putin bu səhər mənə zəng edərək mənə xoş ad günü arzuladı, amma daha da önəmlisi, o, çox yaxşı tanıdığı ölkə olan İran haqqında danışdı. Biz uzun-uzadı danışdıq. O da mənim kimi İsraillə İran arasında bu müharibənin bitməli olduğuna inanır. Mən ona başa saldım ki, onun da müharibəsi bitməlidir”.
Telefon danışığı ilə bağlı məlumatlar Rusiya mətbuatında da yayılıb.
