ABŞ prezidenti Donald Tramp deyib ki, NATO müttəfiqləri öz müdafiələri üçün kifayət qədər pul ödəməsələr, ABŞ onları müdafiə etməyəcək.
“Məntiqlidir, elə deyilmi?
Əgər onlar ödəniş etməsələr, mən onları müdafiə etməyəcəyəm”,- Oval kabinetdə jurnalistlərə Tramp deyib.
ABŞ prezidenti vurğulayıb ki, NATO üzvləri onun dostlarıdır, lakin böhran anında Fransanın və ya “bir neçə başqa adamın” ABŞ-ı müdafiə edib-etməyəcəyini sual altına alıb.
“Siz elə bilirsiniz ki, gəlib bizi qoruyacaqlar? Mən o qədər də əmin deyiləm”, – Tramp bildirib.
