ABŞ prezidenti Donald Tramp çərşənbə axşamı Rusiya prezidenti Vladimir Putinlə danışmağı planlaşdırdığını bildirib.
“Mən çərşənbə axşamı prezident Putinlə danışacam. Həftə sonu çox iş görüldü”, – Tramp jurnalistlərə deyib.
Atəşkəs danışıqlarında hansı güzəştlərin müzakirə olunacağı ilə bağlı suala Tramp belə cavab verib: “Biz torpaqdan, elektrik stansiyalarından danışacağıq”.
“Düşünürəm ki, biz artıq hər iki tərəfdən, Ukrayna və Rusiyadan çox şey müzakirə etmişik. Biz artıq müəyyən aktivlərin bölünməsi haqqında danışırıq”, – Tramp qeyd edib.
