ABŞ-ın seçilmiş prezidenti Donald Tramp Avropa ölkələrinə atəşkəs rejiminə riayət olunmasına nəzarət etmək üçün Ukrayna ərazisinə öz qoşunlarını yerləşdirməyi təklif edib.
QafqazTürk Media xəbər verir ki, bu barədə The Wall Street Journal yazır.
Nəşrin mənbələrinin verdiyi məlumata görə, bu təşəbbüs dekabrın 7-də Parisdə Ukrayna prezidenti Vladimir Zelenski və Fransa prezidenti Emmanuel Makronla görüşündə məlum olub.
“The Wall Street Journal” yazır ki, Tramp Zelenski və Makrona Ukraynanın NATO-ya üzv olmasını dəstəkləmədiyini, lakin müharibə bitdikdən sonra Ukraynanın güclü və yaxşı silahlanmış olmasını istədiyini deyib.
Trampın fikrincə, Ukraynanın qorunmasında və dəstəklənməsində əsas rolu Avropa oynamalıdır. ABŞ-ın seçilmiş prezidentinin planına görə, ABŞ ordusunun Avropa kontingentinə hər hansı dəstəyi istisna etməsə də, ABŞ ordusu missiyaya birbaşa cəlb olunmayacaq.
“The Wall Street Journal” yazır ki, Avropa qoşunları Ukraynada xüsusi sülhməramlı missiyanın tərkibində yerləşdirilə bilər və bu, NATO əməliyyatı olmayacaq. Bununla belə, nəşrin qeyd etdiyi kimi, Rusiya prezidenti Vladimir Putin “müharibədə qalib gəldiyinə” inanır və çox güman ki, müharibəni bitirmək üçün istənilən cəhdə güclü müqavimət göstərəcək.
