DİQQƏT! Vergilərdə yenilik var – ƏTRAFLI

0

Daşınmaz əmlakın və avtomobilin satışı zamanı vergitutma qaydaları dəyişdirilir.

QafqazTürk.com xəbər verir ki, bu barədə Gəlirlər Xidmətinin Xidmət Departamentinin rəhbəri Levan Dğebuadze bildirib.

Burada söhbət Vergi Məcəlləsinə edilən dəyişikliklərdən gedir.

Onun sözlərinə görə bu dəyişiklik 2024-cü ildə qüvvəyə minəcək.

“Fiziki şəxs himayəsində olan və ondan sahibkarlıq fəaliyyətində istifadə olunmayan əmlakın və ya aktivin satışını həyata keçirdikdə və satışdan əlavə gəlir əldə etdikdə onun vergitutma qaydası dəyişdiriləcək. İndiyədək belə izafi gəlirlər uçota alınarkən ildə bir dəfə və ya əməliyyatdan sonrakı ilin aprelin 1-dək bəyan edilir və ödənilirdi, yəni fiziki şəxs müvafiq gəlir vergisini bəyan etməli və ödəməli idi. Qəbul edilən dəyişikliyə əsasən, 2024-cü il yanvarın 1-dən istər avtomobil, istər yaşayış mənzili, istərsə də torpaq sahəsi olsun, bu cür əmlakın sahiblərindən vergi tutularaq aylıq ödənişlər həyata keçiriləcək.

Məsələn, müəyyən ayda satış olub, əlavə gəlir əldə etmişik, bəyannamə və ödəniş növbəti ayın 15-dək ediləcək. Əmlakın alınmasından 2 il keçməmişsə, bu dəyişiklik mənzilə/yaşayış evinə şamil ediləcək. Məsələn, fiziki şəxs 1 il əvvəl 100 min lariyə mənzil alıb və 120 min lariyə satıb və alqı-satqıdan 2 il keçməyib, bu halda 20 min lari artıqdır və mənzildən 5% vergi tutulacaq. Avtonəqliyyat vasitəsinə gəldikdə, əgər satın alındıqdan 6 ay keçməyibsə, satışdan əldə edilən əlavə gəlirdən 5% vergi tutulur və hər ay bəyan edilir.

Əks halda, həm bəyannamənin təqdim edilməsinə, həm də ödənişin ödənilməməsinə görə sanksiyalar nəzərdə tutulacaq. Məsələn, şəxs bəyannaməni gecikdirirsə, sanksiya ödənilməli məbləğin 5%-i, gecikdirilənlərin sayı isə müəyyən edilir”, – deyə Dğebuadze qeyd edib.

0
0
Kateqoriya: İqtisadiyyat
Sonrakı yazı
MİT PKK terrorçusunu tutub Türkiyəyə gətirdi
Öncəki yazı
Mart ayında iqtisadi artım necə olub? – STATİSTİKA