Another advertisement
İdarədən verilən məlumata görə, son əməliyyat-istintaq tədbirləri nəticəsində Daxili İşlər Nazirliyinin Mərkəzi Kriminal Polisi, Tbilisi, Acara, Sameqrelo-Zemo Svaneti və İmereti polis idarələrinin əməkdaşları narkotik cinayətləri törətməkdə ittiham olunaraq 22 nəfəri, o cümlədən 12 narkotik alverçisini həbs ediblər.
Bu barədə məlumatı Daxili İşlər Nazirliyi yayıb.
Nazirliyin məlumatına görə, saxlanılanlar arasında Gürcüstan, həmçinin Belarus, Ukrayna, İordaniya və Türkiyə vətəndaşları da var.
“Qanunsuz olaraq külli miqdarda narkotik vasitələri, o cümlədən narkotik vasitə olan “marixuana” saxlama və saxlamağa cəhd edən şəxslər saxlanılıblar.
Cinayətlər 20 ilədək və ya ömürlük həbs cəzasını nəzərdə tutur. Polis hakimin hökmü əsasında narkotik vasitələrin qanunsuz dövriyyəsi ittihamı ilə həbs edilmiş şəxslərdən nəzarət altında narkotik alışları həyata keçirib və bu alışların audio və video çəkilişlərini gizli şəkildə qeydə alıb.
Hüquq-mühafizə orqanlarının əməkdaşları narkotiklə məşğul olmaqda ittiham olunaraq həbs edilmiş şəxslərin şəxsi və yaşayış evlərinə baxış zamanı, həmçinin onların göstərdikləri yerlərdən xüsusilə külli miqdarda müxtəlif növ narkotik vasitələrə əl qoyublar.
“Faktla bağlı Gürcüstan Cinayət Məcəlləsinin 260, 18-260, 19-260, 261, 18-273, 19-273 və 273-cü maddələri ilə istintaq aparılır”, – məlumatda deyilir.