Daxili İşlər Nazirliyi bu gün keçirilməsi planlaşdırılan aksiyanın təşkilatçılarını qanunla müəyyən edilmiş hədlər daxilində etirazlarını bildirməyə çağırır.
QafqazTürk Media xəbər verir ki, istənilən qanunsuz hərəkətə polis tərəfindən müvafiq hüquqi cavab veriləcək.
“Məlum olduğu kimi, bu gün də Tbilisidə və Gürcüstanın müxtəlif şəhərlərində etiraz aksiyaları planlaşdırılır. Asayişin qorunması məqsədilə keçirilən aksiyaların ətrafına Daxili İşlər Nazirliyinin müxtəlif bölmələrinin əməkdaşları səfərbər ediləcək.
Gürcüstan qanunvericiliyi toplaşma, nümayiş və ifadə hüququnu qoruyur, həmçinin ictimai asayişi və təhlükəsizliyi qorumaq üçün etiraz formalarını müəyyən edir.
Mitinqin təşkilatçılarını qanunla müəyyən edilmiş hədlər daxilində etiraz etməyə çağırırıq, hər hansı qanunsuz hərəkət olarsa, polis tərəfindən müvafiq hüquqi cavab veriləcək”, – deyə məlumatda bildirilir.
