Another advertisement
Rusiya prezidentinin sözçüsü Dimitri Peskov bildirib ki, Rusiya xarici işlər naziri Serqey Lavrov və Rusiya prezidentinin köməkçisi Yuri Uşakov çərşənbə axşamı Ər-Riyadda ABŞ rəsmiləri ilə görüşəcəklər.
Peskov jurnalistlərə bildirib ki, Lavrov və Uşakov Rusiya prezidenti Vladimir Putinin göstərişi ilə bu gün Ər-Riyada səfər edəcək. “Gözlənilir ki, çərşənbə axşamı Ər-Riyadda amerikalı həmkarları ilə görüş keçirəcəklər, bu görüş ilk növbədə Rusiya-Amerika münasibətlərinin bütün kompleksinin bərpasına həsr olunacaq”, – Peskov bildirib.
Bundan əlavə, ABŞ dövlət katibi Marko Rubionun Səudiyyə Ərəbistanına gəldiyi açıqlanıb.
KİV-in məlumatına görə, Rusiya nümayəndə heyəti ilə görüşdə Rubiodan başqa, Ağ Evin milli təhlükəsizlik üzrə müşaviri Mayk Vals və ABŞ tərəfdən ABŞ-ın Yaxın Şərq üzrə xüsusi nümayəndəsi Stiv Uitkoff da iştirak edəcək.