Ən son davamlı qan qlükoza monitorinqi (CGM) sistemləri və onlardan istifadə etmək üçün mobil telefonlar 1-ci tip şəkərli diabet diaqnozu qoyulmuş uşaqlara pulsuz təqdim edilib.
Qafqaztürk.com xəbər verir ki, bu barədə Səhiyyə Nazirliyi məlumat yayıb.
Nazirliyin məlumatına görə, Medtronic-in ən yeni, 4-cü nəsil cihazı – Guardian 4 məlumatların göstərilməsi üçün kalibrləmə tələb etmir.
“Bu, diabetə nəzarət üçün müasir texnologiyadır. Həm 3-cü, həm də 4-cü nəsil qurğular davamlı olaraq qlükoza səviyyəsini ölçür, qlükoza göstəricilərini qeyd edir və həyəcan siqnalı verir ki, bu da həyat üçün təhlükəli vəziyyətlərə tez reaksiya verməyə və qarşısının alınmasına imkan verir.
Guardian 4-7 yaş və yuxarı xəstələrdə tədqiq və təsdiq edilmişdir. Şirkət nümayəndələri və mütəxəssislər Guardian 4-ün 7 yaşdan kiçik uşaqlarda istifadəsini tövsiyə etməyiblər. Müvafiq olaraq, qeyd olunan sistem 7-18 yaşlı gənclərə verilir. Guardian 3 sensorları 7 yaşdan kiçik uşaqlara verilməyə davam edir. Nazirlik yaşın aşağı salınması və 7 yaşa qədər uşaqların dördüncü nəsil cihazı ilə təmin edilməsi imkanlarını nəzərdən keçirərək, onların tövsiyələri əsasında Medtronic şirkətinin mütəxəssisləri və nümayəndələri ilə işini davam etdirir.
Smartfonlara gəlincə, tətbiq əsasında sosial cəhətdən həssas qrup 1-ci tip şəkərli diabet diaqnozu qoyulmuş, ailə reytinqi 120.000-dən çox olmayan uşaqlara, habelə iki və ya daha çox şəkərli diabet xəstəsi olan ailələrə mobil telefonlar veriləcək.”, – məlumatda deyilir.