Gürcüstanın Daxili İşlər nazirinin müavini Mariam Tabatadze Türkiyə Respublikasına işgüzar səfər çərçivəsində bir sıra yüksək səviyyəli görüşlər keçirir.
Səfər zamanı Mariam Tabatadze Türkiyə Milli Polis İdarəsinin rəhbəri Mahmud Dəmirtaşla ikitərəfli görüş keçirib. Tərəflər Gürcüstan və Türkiyənin hüquq-mühafizə orqanları arasında mövcud əməkdaşlıq münasibətlərini və gələcək əməkdaşlıq üçün prioritet istiqamətləri müzakirə ediblər.
Nazir müavini Türkiyə tərəfinə məhsuldar əməkdaşlığa görə təşəkkür edib və iki ölkə arasında tərəfdaşlıq münasibətlərinin daha da dərinləşdirilməsinə hazır olduqlarını bildirib.
İstanbulda səfər çərçivəsində Mariam Tabatadze həmçinin beynəlxalq müdafiə sənayesi sərgisi “IDEF 2025”-ə qatılıb. O, yerli və beynəlxalq şirkətlərin quru, dəniz və hava hərbi texnikaları ilə tanış olub, müdafiə və təhlükəsizlik sahəsində ən son texnoloji yeniliklər və proqramlar haqqında ətraflı məlumat əldə edib.
