Daxili İşlər Nazirliyi “Vahid Milli Hərəkat”ın nümayəndəsi Davit Kirtadzeyə qarşı qəsdən sağlamlığa az ağır zərər vurma maddəsi ilə istintaqa başlayıb.
Qurumdan verilən məlumata görə, MSK-nin müraciəti əsasında istintaqa başlanılıb.
“Mərkəzi Seçki Komissiyasının müraciəti əsasında Daxili İşlər Nazirliyi Cinayət Məcəlləsinin qəsdən sağlamlığa az ağır zərər vurma maddəsi – 118-ci maddə ilə araşdırmalara başlayıb.
Mərkəzi Seçki Komissiyasının binasında davam edən seçkilərin yekun iclası zamanı “Vahid Milli Hərəkat”ın nümayəndəsi Davit Kirtadze Mərkəzi Seçki Komissiyasının sədri Qiorqi Kalandarişvilinin üzərinə naməlum maye töküb.
Faktla bağlı araşdırma aparılır və araşdırma zamanı bütün müvafiq istintaq hərəkətləri həyata keçiriləcək”, – deyə qurumdan bildirilib.
